На ден 24.03.2023 година, заврши четиринеделниот курс за освежување на знаењето на Англиски јазик (КОЗАЈ 1/23) во просториите на центарот за странски јазици (ЦСЈ), Команда за обука и доктрини, во касарна Илинден – Скопје, креиран и реализиран од страна на тимот на ЦСЈ.
За време на курсот слушателите следеа интерактивна и тематски организирана јазична настава во рамките на која беа претставени разновидни актуелни теми од современото живеење. Преку динамични активности и активна вклученост во јазичната настава слушателите имаа можност да го збогатат својот реченички фонд и да го подобрат своето познавање по англискиот јазик. На крајот од курсот слушателите добија сертификати за успешно завршен курс.
Курсот го реализираа четири професорки со долгогодишно искуство во предавање по англиски кои имаат посебна професионална обука за креирање на наставни материјали и специјализирани курсеви.
Г/С
