Денес 20.10.2016 година во посета на воздухопловната бригада (вбр), во касарната „Страшо Пинџур“ беа децата од Детска Градинка „Пролет“ од Скопје, Општина Карпош.
Младите посетители имаа можност да се запознаат со дел од персоналот од воздухопловната бригада и нивната секојдневна работата.
На задоволство на посетителите, беа изложени неколку воздухоплови ,во кои тие имаа можност да влезат и да почувствуваат како е да си пилот.
Покрај разгледување на воздухопловите имаа можност да постават и прашања на присутните пилоти и техничкиот персонал.
Ваквиот вид на активности од делот на цивилно воената соработка продолжуваат и во понатамошниот период и со останатите образовни институции од Република Македонија.
