Во рамките на Планот за билатерална соработка со Црна Гора за 2013 година, во периодот од 11 до 13 декември 2013 година, во Република Македонија, ќе се реализира „Состанок на началници на Ј-2 секции“.
На активноста ќе учествуваат претставници од Ј-2 секциите од Генералштабот на Армијата на Република Македонија и од Генералштабот на Војската на Црна Гора.
Целта на активноста е размена на искуства од доменот на разузнавање и идентификување на области за идна взаемна соработка во правец на постигнување на интероперативност за исполнување на заедничкиот интерес, полноправно членство во НАТО.
