На 04 Ноември 2014 година во Центарот за индивидуална обука од Команда за обука и доктрини, започна Курс за прв подофицер во чета. Слушатели на курсот се подофицери од единиците на Армијата на Република Македонија.
Целта на овој курс е да се идентификуваат должностите и одговорностите на првиот подофицер околу реализацијата и надгледувањето на индивидуалната обука во единицата, спроведувањето на персоналниот менаџмент во чета, администрацијата, логистиката и одржувањето, лидерството, дисциплината, моралот, физичкото воспитување. борбените операции, советувањето и решавањето на проблеми.
Со завршувањето на овој курс слушателите од редот на подофицерите се стекнуваат со сертификат за завршен курс и ќе имаат можност да бидат поставени како први подофицери во чета.
