Во изминатиот период се реализираше обука од областа на цивилно-воената соработка (ЦВС) на тимот за цивилно-воена соработка од прва пешадиска бригада (1.пбр) за учество на вежбата „Saber Junction 24“.
Обуката беше реализирана од страна на тимот за цивилно-воени односи (CAT) од 21. Команда за одржување на боиштето (21. Theater Sustainment Command) од Армијата на САД.
За време на обуката беа разработени повеќе теми од оваа област при изведување на операции на НАТО, начинот на спроведување на активностите во делот на ЦВС стратегијата за ангажирање на лидерите, како и практични вежби.
Обуката претставува дел од активностите, кои се фокусирани на сегментот на ЦВС со цел зајакнување на стручноста на армиските припадници во оваа област, како и начинот на изведување на ваквите активности во мултинационални средини за поддршка на мировни операции и меѓународни вежби.
Практичниот дел од обуката е подготовка за претстојната меѓународна вежба „Saber Junction 24“ која ќе се реализира во наредниот период во Хохенфелс СР Германија, а на која ќе учествуваат и тимовите за ЦВС од 1.пбр.
ГЃ/СН
