Денес согласно тромесечниот план за обука во касарната „Јане Сандански“ – Штип се изврши обука за превезување со хеликоптер Ми-8 на припадниците од 2. механизиран пешадиски баталјон (2.мпб) кои се ангажирани на јужната граница како дел од силите за асистенција МВР.
Обуката која ја изврши воздухопловната бригада (вбр) на Армијата на Република Македонија на тактичкиот полигон во касарната „Јане Сандански“ – Штип со припадниците од 2.мпб се реализираше по неколку теми.
Освен обуката за транспорт со хеликоптер Ми-8 припадниците на 2.мпб беа обучени за маршалери, влегување, излегување и мерки за безбедност.
Со оваа обука припадниците на 2.мпб го надополнија и збогатија своето искуство со уште еден предизвик со кои се среќаваат во текот на извршувањето на своите обврски и задачи во делот на обезбедувањето на јужната граница на Република Македонија.
