Согласно годишните планови за обука на потчинетите единици на Командата за операции, припадниците од пешадиските баталјони, Баталјонот за врски и извидувачкото одделение од Артилерискиот баталјон реализираа обука во зимски услови на терените за обука во зимски услови на планините од западниот и северниот дел од државата.
По подготвителната обука на персоналот од 1.пешадиска бригада во касарните, следуваше практична реализација на научените техники и знаења за опстојување, преживување и извршување на задачи во планински услови. Во неколкудневната обука, персоналот практично реализираше: движење по снег, совладување на снежни пречки со формациски и прирачни средства, изработка и престој во објекти изработени од снег, ставови за гаѓање со лично вооружување во зимски услови, како и движење и управување на моторна санка.
Во Баталјонот за врски, обуката се реализираше со поставување на соодветните станици за врски и воспоставување и одржување на планираните врски во оперативниот центар за командување и контрола. Со реализација на оваа обука во теренски услови, се дава јасна слика за можностите на Баталјонот за врски за извршување на доделената мисија, односно обезбедување на комуникациско-информациска поддршка на процесот на командување и контрола на стратегиско и оперативно рамниште.
ДД/ГЃ/ЧС
