Во инженерискиот баталјон (инжб), од составот на првата механизирана пешадиска бригада, на ден 14.08.2018 година се реализираше посета од страна на тим на Командата на САД во Европа (EUCOM), во организација на Канцеларијата за одбранбена соработка со САД во Република Македонија.
Пред тимот на EUCOM од страна на командирот на пионерскиот вод се изврши презентација за неговите капацитети и можности за деминирање. Презентиран беше и начинот на пребарување, идентификација и обележување на неексплодирани убојни средства. Тимот се запозна и со опремата која ја користи пионерскиот вод за деминирање.
Ова е втора посета на тимот на EUCOM на инжб оваа година. Нејзина цел е запознавање со капацитетите и можностите на пионерскиот вод за деминирање и неговото извршување на мисии во државата и надвор од неа.
