На ден 22.03.2023 година деца од детска градинка „Орце Николов“, од општина Карпош – Скопје во придружба на воспитувачки и негувателки остварија неколку часовна посета на воздухопловниот ВИНГ (вВИНГ) како дел од цивилно воената соработка која (вВИНГ) ја одржува со цивилните структури.
Децата за време на посетата имаа можност да се запознаат со дел од персоналот од (вВИНГ) и работата која ја вршат истите. На задоволство на посетителите, беа изложени неколку воздухоплови во кои тие имаа можност да влезат и да ги разгледуваат.
Посетата заврши со воодушевување од виденото и можноста да видат хеликоптери и пилоти во живо, како и да влезат во хеликоптерите и да ги разгледаат. Ваквиот вид на соработки од делот на цивилно воената соработка ќе продолжат и во понатамошниот период со голем број на училишта и градинки од Република Северна Македонија.
МД/ЧС
