Во касарна „Јане Сандански” – Штип денес со воена свеченост се изврши примопредавање на должноста командант на 1.логистички баталјон, помеѓу потполковник Лазар Ѓуров како предавач и потполковник Игор Иванов како примател на должноста.
На свеченоста покрај командантот на бригадата за логистичка поддршка (брЛП), полковник Цветко Јаневски присуствуваа и командантите на баталјони од составот на брЛП и останати поканети гости.
Во својот говор, пред присутните гости командантот на брЛП, полковник Цветко Јаневски му се заблагодари на потполковник Лазар Ѓуров за вложениот напор, труд и енергија во извршувањето и реализацијата на поставените задачи како и испорачување на ЛП во вистинско време и место и во потребни количини. Исто така, истакна дека 1.логистички баталјон е логистичка единица која во зоната на одговорност е носител на ЛП во повеќе единици на АРМ како и поддршка на многубројни меѓународни активности и вежби кои се случуваат на АП Криволак.
Досегашниот вршител на должноста – Командант, потполковникот Лазар Ѓуров им оддаде признание до сите припадници на 1.логистички баталјон за несебичниот придонес на секој поединец со извршување на секојдневните работни задачи и обврски а со тоа и успешно реализирање на мисијата на единицата а тоа е ЛП на сите единици и команди во АРМ. На крајот од говорот му ја честита на потполковник Иванов новата должност и му посака многу успех.
Новопоставениот командант, потполковникот Иванов најпрвин искажа благодарност на укажаната доверба за поставување на оваа одговорна должност и истакна дека му претставува особена чест и голема одговорност да биде командант на логистичка единица. Во говорот увери дека ќе се залага и ќе го употреби целокупнито свое знаење и искуство 1.логистички баталјон да продолжи со постигнување на уште подобри резултати. Исто така, на крајот му се заблагодари на потполковник Ѓуров за вложениот труд и залагање во командувањето со единицата и му посака успех на личен и професионален план.
На крајот од свеченоста, на церемонијален начин се изврши свечено примопредавање на военото знаме на единицата, со што се изврши и примопредавање на должноста командант на 1.логистички баталјон .
ЗВ/ЛС/ЧС
