Припадниците на Четата за атомска, биолошка и хемиска одбрана (чАБХО) во соработка со Агенцијата за намалување на заканите во одбраната (DTRA) од САД во период од 15 до 26 април го реализираа последниот циклус на обука со новата опрема, која беше донирана од оваа агенција. Учесниците на обуката ,која се реализираше во две етапи, ги извежбуваа постапките во делот на АБХО тактиката, односно вештините за извидување, земање примерок, анализа, деконтаминација, донесување на одлуки како и одржување на опремата.
Опремата која е примена во чАБХО се состои во средства за радиолошка, хемиска и биолошка детекција и идентификација, опрема за земање на примерок, опрема за деконтаминација и специјалистички возила. Обуката започна да се изведува во касарната Чојлија, АП Криволак и Боро Менков но исто така се реализираа и вежби во Република Чешка и Косово.
По повод завршувањето на обуката согласно програмата за соработка со DTRA , која започна во 2018 година се одржа пригодна свеченост на која беа доделени сертификати на припадници од DTRA и Националната гарда на Вермонт кој дадоа значаен придонес за подигање на нивото на обученост и јакнење на капацитетите од овој домен. Со оваа програма, чАБХО стана подготвена и компетентна за брзо и ефикасно реагирање во случај на хемиски, биолошки и радиолошки инциденти.
