Во периодот од 15.11-03.12.2021 година во Центарот за обука Пепелиште, припадниците од 1.пешадиска бригада (1.пбр), успешно реализираа основна обука во тактика и лидерство и обука во планирање, организација и реализација на обука по физичко воспитание со инструктори од мобилен обучувачки тим од Вооружените сили на Обединетото Кралство.
Во текот на обуката фокусот беше ставен на правилна примена на тактиките, техниките и процедурите при извршување на задачите, персоналот извежба нови постапки и процедури и покажа издржливост и максимално залагање.
На завршетокот од обуката присуствуваа командантот на 1.пбр, полковник Сашко Лафчиски и советникот за трансформација од ВС на Обединетото Кралство во министерството за одбрана, бригаден генерал Џони Баурон.
На целиот персонал за успешно завршената обука им беа доделени сертификати, а за исклучително залагање и успех во обуката од страна на припадниците од мобилниот тренинг тим на најуспешните им беа врачени посебни значки.
ГЃ/ЧС
