На ден 27 и 28.05.2019 година ученици од основните училишта „Кирил Пејчиновиќ“ и „Гоце Делчев“ од Скопје остварија неколкучасовна посета на воздухопловната бригада (вбр) како дел од соработката со цивилните структури.
Учениците во текот на посетата имаа можност да се запознаат со дел од персоналот од воздухопловната бригада и работата која истите ја вршат. На задоволство на посетителите, беа изложени неколку воздухоплови во кои тие имаа можност да влезат и да ги разгледаат. Покрај секој воздухоплов се наоѓаше по еден пилот и техничар летач за да одговорат на прашањата на посетителите.
Посетата беше збогатена со презентација на видео материјал за вбр, со многу поставени прашања и песни за воздухопловите.
ГИ/ЧС/БН
