Согласно годишниот календар за обука, персонал од командата и штабот на 1. пешадиски баталјон (1.пб) и артилериски баталјон (артб) од составот на 1.пешадиска бригада, во Центарот за симулации во Командата за обука и доктрини (КОД) во Велес, ја завршија тридневната компјутерска симулациона вежба на тема: „Пешадиски баталјон во одбрана засилен со артилериска поддршка“. Покрај припадниците од споменатите единици на вежбата учествуваше и персонал од Центарот за симулации, главно оператори на системот за симулации.
Планирачкиот процес за оваа вежба започна неколку дена пред почетокот на вежбата. Во текот на планирачкиот процес беа дефинирани: мисијата, силите, теренот како и тактичките постапки за извежбување на единиците за прв пат здружено пешадиска и артилериска единица.
Од оваа вежба, произлегоа научени лекции кои ќе се имплементираат при планирање на наредните вежби што ќе се реализираат во Центарот за симулации со други единици од составот на Армијата.
ГЃ/ЧС
