Во рамки на програмата за одбележување на 10-ти Јуни, ден на воздухопловниот ВИНГ (вВИНГ) од составот на командата за операции, денес, на спортските терени во касарната „НХ Страшо Пинџур“ во Петровец се одржаа спортски натпревари помеѓу единиците од составот на вВИНГ.
На овие натпреварувања и покрај тоа што во преден план е другарувањето и развојот на спортскиот дух на припадниците во вВИНГ, а резултатите се споредни, сепак кај учесниците не изостана натпреварувачкиот дух.
Натпреварите се реализираа во дисциплините: мал фудбал, кошарка, влечење јаже, шах и пинг-понг.
Победниците по дисциплини и во генерален пласман ќе бидат соопштени на денот на единицата кој овај пат ќе се реализира на 09.06.2022 година, и на истите ќе им бидат врачени пофалници.
За најуспешните екипи и поединци од бригадата кои ги освоија првите места на спортските натпревари, ќе им бидат доделени дипломи на воената свеченост по повод Денот на единицата.
ГИ/ЧС
