Во периодот од 09 до 13 јануари 2017 во просториите на Британски совет во Скопје, се одржа напреден курс за користење на платформата Мудл (Advanced Moodle Training). Обуката е под покровителство на Британскиот совет во Македонија, кој постојано ја подржува професионалната обука на професорите по англиски јазик од Центарот за странски јазици (ЦСЈ), под Командата за обука и доктрини (КОД). Учесници на оваа обука беа сите вработените во ЦСЈ, како и гости од Република Црна Гора.
Петдневната обука опфати креирање на материјали за изучување на англискиот јазик од трето ниво, кои се ставени на Мудл платформата. Овие материјали може да се интегрираат во секојдневната настава или да се користат како материјали за самостојно изучување. На овој начин се подобрува квалитетот на јазичната обука и се одговара на предизвиците на модерниот начин на изучување на англискиот јазик.
