Питомците од трета и четврта наставна година од Центарот за обука на питомци од Командата за обука и доктрини, согласно програмата за обука, во тековниот период изведуваат стручно-специјалистичка обука на КО „Пепелиште“ и на АП Криволак.
Питомците од завршната, четврта година преку Курсот за командири на водови и практичната обука се оспособуваат за извршување на конкретни формациски должности во единиците на Армијата.
Нивните помлади колеги, од третата наставна година преку реализација на военоспецијалистичката обука – изведување на логорување, се обучуваат и оспособуваат за командирски должности на ниво на одделение, при што се обучуваат во изведување на наменски задачи во различни борбени услови, самостојно и во состав на повисока единица.
Стручната воена обука на питомците од двете наставни години има значајна улога во стекнување на нови знаења и практична работа, кои се потребни за извршување на командирските должностите во единиците на Армијата.
