На 25-ти Февруари 2014 година во Центарот за обука „Пепелиште“, започна Курс за професионални војници со 167 кандидати, од кои 11 припаднички на женскиот пол.
Обуката која се реализира е во согласност со Планот за основна борбена обука за професионални војници. Целта на основната борбена обука е професионалните војници да се обучат и оспособат за правилно ракување, чување и користење на личното вооружување во сите услови, средини и постапки, како и примена на тактички борбени постапки на поединец и тим.
Со овој курс професионалните војници се очекува да се изградат како високо мотивирани, физички подготвени припадници на АРМ кои стекнатите знаења ќе ги надоградат и успешно ќе можат да ги применат во извршување на индивидуални и тимски задачи во единиците на Армијата на Република Македонија.
