Врз основа на концептот за развој на професионалните војници, во Командата за обука и доктрини, со соодветно спроведување на протоколите за заштита од ширење на COVID-19 на АП Криволак, се спроведува Лидерски курс за командири на тимови и одделенија.
Обуката ја изведуваат инструктори од Центарот за индивидуална обука и мобилниот тим за обука од Вооружените сили на Обединетото Кралство.
Во текот на курсот, професионалните војници ќе се обучат со методичките подготовки за успешно реализирање на обуката, како и правилно применување на тактиките, техниките и процедурите за водење на лесни пешадиски операции, со што би ги достигнале НАТО стандардите за овој вид на борбени задачи.
Темите и содржините од курсот се реализираат преку усни излагања и дискусија, а посебен акцент се става на практичната обука во АП Криволак, со што професионалните војници се стекнуваат со нови и ги унапредуваат постоечките знаења кои понатаму ќе ги користат во матичните единици.
ЦВ
