На 04.03.2014 година во Центарот за индивидуална обука (ЦИО) започна Методички курс за обука на подофицери. Курсот го посетуваат 29 слушатели подофицери од единиците на Армијата на Република Македонија.
Обуката која се изведува им овозможува на слушателите на курсот осовременување на формите, облиците и начинот на изведување на обуката. Oсебно внимание се посветува на рационалното користење, чување и одржување на наставните средства за обука со кои располага секоја единица.
Со завршувањето на Методичкиот курс подофицерите ќе имаат единствен пристап во реализацијата на обуката, еднообразно пренесување на стекнатите знаења и вештини во сите единици на АРМ.
Мисијата на индивидуална обука која е во состав на Командата за обука и доктрини е дизајнирање, развивање и спроведување на стручно специјалистички курсеви за развој и континуирана едукација на подофицерскиот кор на АРМ.
