Во периодот од 02.02. до 13.02.2016 година, во реонот на Колашин, Црна Гора, на скијачките терени на Спортско Рекреативниот Центар „Колашин“ питомците од 2-ра година од Центарот за обука на питомци реализираа практични форми на обука во зимски услови-скијање.
Целта на Обуката во зимски услови е питомците да се обучат во скијање и во начините на преживување во зимски услови.
За време на обуката питомците се запознаа со скијачката опрема и нејзиното приспособување кон одредени ситуации, совладаа дел од скијачките дисциплини, се запознаа со планината и опасностите со кои би можеле да се соочат во зимски услови. Се обучија да изработуваат објекти за преживување во зима и да ги применуваат мерките за заштита на здравјето и спречување повреди.
Обуката се реализира согласно планот за билатерална соработка меѓу Министерствата за одбрана на Република Македонија и Црна Гора. Вооружените сили на Црна Гора и овој пат се покажаа како одлични домаќини каде ги обезбедија сите потребни услови за престој на питомците и инструкторите за обука.
