Денес 23 Декември 2014 година на церемонијата за прогласување на најдобри спортисти за 2014 година на град Скопје за најдобар млад спортист за 2014 година е прогласен Бехар Мамути, питомец од втора година на Центарот за обука на питомци.
Питомецот Мамути е член на армискиот боречки клуб „18-ти Август“ – Скопје каде што активно тренира. Во текот на 2014 година ги има освоено првите места на Медитеранските игри и Државното првенство во борење слободен стил во категоријата до 74 кг.
Признанието на Бехар Мамути за најдобар млад спортист за 2014 година за град Скопје го додели градоначалникот на град Скопје г-дин Коце Трајановски.
Секој постигнат успех на припадник на АРМ претставува голем мотив и поттик за понатамошни врвни резултати. Спортот е задолжителна содржина и редовна обврска на секој припадник на АРМ.
