Тежиштето на вежбата „SEVEN STARS 2025” во деновите 3 и 4 април беше насочено кон обука на персоналот за настани со кои ќе се среќаваат во текот на изведувањето на вежбата, а пред сѐ обуки од доменот на безбедноста, планирање на вежби, логистика, цивилно-воена соработка, медија тренинг и родова безбедност. Оваа симулациска вежба се реализира на високо ниво како и во современите армии, каде единиците и штабовите ги извежбуваат штабните процедури за донесување на одлуки. Покрај припадниците од споменатите единици на SEEBRIG, на вежбата учествуваше и персонал од Центарот за симулации (ЦС), главно оператори на системот за симулации. На оваа вежба ѝ претходеше обука на оператори на JCATS (Joint Conflict and Tactical Simulation) симулациска платформа, каде како инструктори се појавија припадниците на ЦС/КОД. Ентузијазмот, упорноста и професионалната посветеност на тимот, на дело ја организираа, подготвија и спроведоа оваа вежба. Ова покажува дека желбата за личен и колективен развој придонела компликуваните софтверски процедури да бидат совладани за многу кратко време.
