Согласно Планот за работа на Здружената оперативна команда (ЗОК) во месец октомври 2019 година се реализира месечно реферирање на првопотчинетите едини (ППЕ) на ЗОК и командантско извидување на југоисточниот дел од просторот на Република Северна Македонија.
Целта на оваа активност беше да се извиди просторот со штабот од ЗОК и командантите на потчинетите единици на ЗОК, како и да се запознаат со географските карактеристики на просторот и тактичките услови како и просторните ограничувања кои влијаат на проценката и организација на борбени дејства.
Командантското извидување се реализираше на две работни точки: с. Давидово и с.Николиќ.
На практична работа по работните точки началниците на секциите од ЗОК и ППЕ на ЗОК ги брифираа учесниците за разузнувачка подготовка, географската и тактичка ориентација на теренот, можностите за тактичко ангажирање на единици за изведување на борбени дејства, организацијата на логистичкото обезбедување, остварување на цивилно-воената соработка и организација на врските.
Ваков вид на форма на практична обука редовно се изведува во Командите и штабовите на единиците со цел запознавање на теренот, стратегиски-тактичките правци на територијата на Република Северна Македонија и обука и надградба на командниот кадар.
ЧС/БН
