Во период од 05.03 до 12.03.2015 година согласно годишниот План за обука во првопотчинетите единици од составот на Здружена Оперативната Команда се реализираа тромесечни брифинзи за обука (ТБО) за првото тромесечие од 2015 година.
На брифинзите командантите на единиците се запознаа со степенот на реализираните содржини и активности од доменот на обуката и со нивото на оспособеноста и обученоста во потчинетите единици во изминатиот тромесечен период.
На ТБО се даде осврт на реализираните и тежишни активности и предизвиците со кои се соочуваат единиците во процесот на изведување на обуката со посебен осврт на предлозите за нивно надминување и приоритетите за обуката за наредниот период.
Во рамките на ТБО на 1.механизирана пешадиска бригада реализиран на ден 10.03.2015 година во гарнизонот Куманово за учесниците во брифингот се изведе методско надгледна вежба (МНВ) на тема: “Периодичен преглед на вооружување и опрема”, додека на ТБО во бригадата за логистичка поддршка на ден 12.03.2015 во одделението за вооружување во техничко ремонтниот центар се изведе МНВ на тема „Испитување на пешадиско вооружување“.
Брифинзите за обука се плански и редовни активности кои се изведувуваат на квартално ниво во текот на годината.
