Во период од 15.06 до 18.06.2015 година во првопотчинетите единици од составот на Здружената Оперативна Команда се реализираа тромесечни брифинзи за обука (ТБО) за вториот квартал од 2015 година.
На ТБО командантите на единиците беа брифирани за степенот на реализираните содржини и активности од доменот на обуката и со нивото на оспособеноста и обученоста во потчинетите единици во изминатото тромесечје.
Покрај останатото се разгледуваше степенот на реализираните тежишни задачи, приоритетите за обуката за наредниот период како и предизвиците со кои се соочени единиците во процесот на изведување на обуката со предлози за нивно надминување.
Единиците ги реализираа брифинзите на различни локации во зоната на својата одговорност, така 1.механизирана пешадиска бригада го реализираше во реонот на месноста Лисец, каде учесниците по брифингот имаа можност да се запознаат со историското значење кое ова место, го има за формирањето на единиците на АРМ кои се носители на традициите поврзани со овој крај.
Останатите единици од составот на ЗОК, брифинзите ги реализираа во командите на бригадите и во командите на своите потчинети единици.
Брифинзите за обука се плански и редовни активности кои се изведувуваат на квартално ниво во текот на годината.
