Центар за снабдување и транспорт

Мисија:

Прием, сместување, чување, одржување и дистрибуција на материјали од сите класи на снабдување и извршување на транспортна поддршка на III рамниште на ЛП за сите команди и единици на Армијата.

Задачи:

• Прием, сместување, чување, одржување и дистрибуција на материјали од сите класи на снабдување за потребите на командите и единиците на Армијата;
• Чување и одржување на воени материјални резерви за Армијата по утврдени критериуми;
• Извршување на транспортна поддршка на III рамниште за сите команди и единици на Армијата;
• Подготовки на материјали за транспорт надвор од Републиката, за единиците кои се упатуваат во мисија.

Потполковник Звонко Сасански

Потполковникот Звонко Сасански е роден на 03.12.1973 година во Пехчево. По завршување на основното образование, образованието го продолжува во Воената гимназија „Братство и Единство“ во Белград. По завршување на средното образование и осамостојувањето на Републиката, школувањето го продолжува на Машинскиот факултет во Скопје. После дипломирањето и отслужувањето на редовниот воен рок, го завршува и курсот за слушатели по служби на Воената академија „Генерал Михаило Апостолски“ во Скопје и на 01.08.2001 година е промовиран во поручник на техничка служба во Армијата на Република Македонија.

Воената кариера ја започнува во Техничкиот ремонтен центар на формациско место командир на вод за одржување на моторни возила. Во досегашната кариера извршува повеќе должности на ниво на баталјон, бригада, команди и штабови, а од февруари 2025 е поставен за командант на Центарот за снабдување и транспорт во Логистичката база.

Има завршено повеќе курсеви од областа на оперативно логистичко планирање во земјата и странство, меѓу кои:

• Курс за оперативно логистичко планирање во НАТО школото во Оберамергау во Република Германија;
• Курс за здружено логистичко планирање во школата за логистика на Бундесверот во Остенхолц – Република Германија;
• Курс за финансии и логистика – ФМС во САД и други.

Во моментов е слушател на постдипломски студии од областа на безбедноста и одбраната на Воената академија „Генерал Михајло Апостолски“ во Скопје.

Во текот на работниот век има добиено повеќе награди меѓу кои:

• Средна плакета на Армијата од началникот на ГШ на Армијата;
• Наградно отсуство од началникот на ГШ на Армијата;
• НАТО медал (Non-Article 5 NATO Medal) од генералниот секретар на НАТО – за учество во мисијата „Одлучна поддршка“ во ИР Авганистан и други.

Има одлично познавање на англискиот јазик.

Оженет е со сопругата Мирјана и има два сина, Дарко и Александар.

Претходни должности:

• Командир на вод за одржување на моторни возила во Техничкиот ремонтен центар, од 01.08.2001 година до 01.03.2006 година;
• Офицер за одржување во Главниот логистички баталјон, од 01.03.2006 година до 02.05.2007 година;
• Офицер за одржување на моторни возила во Одделението за управување со одржување во секцијата Г-4/КЛП, од 02.05.2007 година до 02.06.2012 година;
• Офицер за одржување на моторни возила во Одделението за управување со одржување во Центарот за материјален менаџмент во Бригадата за логистичка поддршка, од 02.06.2012 година до 02.10.2015 година;
• Командир на првата чета за логистичка поддршка во 3. Логистички баталјон, од 02.10.2015 година до 01.07.2019 година;
• Началник на секцијата С-4 во Техничкиот ремонтен центар, од 01.07.2019 година до 27.12.2019 година;
• Началник на штаб и воедно заменик на командантот на 3. Логистички баталјон, од 27.12.2019 година до 01.10.2020 година;
• Началник на одделение за одржување во секцијата С-4 во Логистичката база, од 02.10.2020 година до 31.07.2023 година и
• Офицер за одржување на вооружување, борбени возила и останати средства во одделението за одржување во Ј-4 во Генералштабот на Армијата, од 01.08.2023 година.

Унапредувања:

• Поручник од 2001 – 2008 година;
• Капетан од 2008 – 2013 година;
• Мајор од 2013 – 2021 година;
• Потполковник од 2021 година.