Во деновите од 4 до 08.03.2019 година, во просториите на артилерискиот баталјон во касарната „Мирче Ацев“ и стрелиштето ,,Леково“ во Прилеп, согласно Годишниот план за работа на 1.механизирана пешадиска бригада (1.мпбр), се реализира четиридневна обука и размена на искуства од областа на артилеријата. На обуката учествуваа офицери, подофицери и војници од артилерискиот баталјон, предните набљудувачи од составот на пешадиските баталјони на 1.мпбр, персонал од полкот за специјални операции (пСО) и воздухопловната бригада (вбр) од Армијата.
Непосредно преку презентации, дискусии и размена на лични искуства и практично на стрелиштето ,,Леково“ со вежбовни гаѓања со Хаубица 105 мм со вметната цевка 20 мм, учесниците на обуката ги надоградија и подобрија своите знаења од областа на артилеријата.
На вежбовните гаѓања присуствуваа и девет питомци од трета година од родот артилерија од Воената академија „Михајло Апостолски“ во Скопје, кои се на стажирање во артб.
Заедничкиот заклучок на учесниците на обуката е дека неколкудневната обука претставуваше добра можност за потсетување на досегашните искуства и стекнување на нови знаења за полесно надминување на предизвиците со кои се соочува овој персонал во текот на извршувањето на задачите од доменот на артилеријата.
ГЃ/СМ/ЧС/БН
