На ден 12.04.2019 година деца од детската градинка „Пролет“ од општина Карпош – Скопје во придружба на воспитувачки, негувателки и психолог остварија посета на воздухопловната бригада (вбр) во касарната „Страшо Пинџур“ Петровец. Целта на посетата беше запознавање на најмладата популација во државата со средствата и секојдневните активности на бригадата.
Децата во текот на посетата имаа можност да се запознаат со дел од персоналот и техниката од воздухопловната бригада. На задоволство на посетителите, а по редовен распоред за обука и работа, непосредно видоа како лета хеликоптер Ми 24.
Посетата заврши со воодушевување од виденото и со желба некои од нив да станат идни пилоти во АРМ.
ГИ
