Припадници од првата пешадиска чета и еден минофрлачки вод 120 мм од составот на Третиот пешадиски баталјон (3.пб) од 1.пешадиска бригада во период од 8 до 12.03.2021 година, како дел од годишниот план за обука на единицата, на АП ,,Криволак“ реализираа стационарно логорување со тактичка вежба со боjно гаѓање со вод, артилериско бојно гаѓање со вод и командирско гаѓање со одделение.
За време на логорувањето на АП „Криволак“ се прикажа извежбаност и подготвеност на единицата за изведување на предвидените задачи на терен, демонстрирана со успешна реализација на планираните гаѓања.
За успешна реализација на овој вид на вежби со бојно гаѓање, потребен е висок степен на обученост, добра извежбаност, кондиција и координација, што практично го покажаа и припадниците од 3.пб за време на реализацијата на гаѓањето, со лесно совладување на теренот и брза проценка на далечината за уништување на целите.
ГЃ/ЧС/БН
