Во Командата за обука и доктрини на АП Криволак во тек е реализација на основниот курс за подофицери 2-21, со слушатели од единиците на Армијата кои својата војничка кариера ја продолжуваат како идни подофицери.
Обуката и активностите кои се реализираат за време на курсот за подофицери се во согласност со препораките и насоките спроведени со протоколите за заштита од ширење на COVID-19.
Слушателите на основниот курс за подофицери и искусните инструктори од Командата за обука и доктрини посветено се ангажирани при изведувањето и извежбувањето на тактичката обука која во согласност со планот и програмата се реализира во овој период.
Тактичката обуката во теренски услови, за идните подофицери, е од голема важност во која слушателите имаат можност да се стекнат со нови вештини и техники, кои ќе ги применуваат при изведување на обуката во единиците каде што ќе ја продолжат својата војничка кариера.
С/Г
