Денес, на 30.09.2016 година, по трет пат успешно заврши курсот за „Обновување на знаењето на англискиот јазик“ во ЦСЈ во касарната Илинден во Скопје. Овој курс прв пат се пилотираше во септември 2014 година и од тогаш редовно се одржува еднаш годишно. Во подготовката на овој курс учествуваа сите професори од Центарот за странски јазици (ЦСЈ) кој е дел од единиците во Командата за обука и доктрини (КОД).
Курсот за „Обновување на знаењето на англискиот јазик“ траеше три недели за време на кои слушателите имаа можност да го обноват и надградат своето знаење на англискиот јазик. Слушателите на курсот доаѓаат од различни единици на Армијата на Република Македонија и Министерство за одбрана на РМ. За време на реализација на курсот слушателите читаа, слушаа и дискутираа на различни теми, но истите го подобрија и своето знаење за користење на соодветен функционален јазик.
Центарот за странски јазици во касарната Илинден во Скопје е носител на оваа обука која се одржа во простории соодветно опремени за непречено одвивање на современа настава. Во реализацијата на курсот за „Обновување на знаењето на англискиот јазик“ учествуваше целиот професорски кадар од ЦСЈ, кој крајно професионално ги реализираше потребните содржини.
