На ден 19.04.2016 година учениците од ООУ „Кузман Шапкарев“ од населбата Драчево и ООУ „Лазо Ангеловски“ од општина Аеродром – Скопје имаа можност да се дружат со припадниците на Ренџерскиот баталјон кој што е во состав на полкот за специјални Операции. Во текот на посетата Македонските Ренџери на учениците им презентираа дел од опремата и воените моторни возила што се користат во единицата, како и начин на совладување на пешадиски препреки.
Топлиот пречек и презентираните активности успеаа во целост да го задржат вниманието и да ја задоволат детската љубопитност кај најмладите кои што сето тоа го следеа со големо воодушевување.
За возврат учениците од ООУ „Кузман Шапкарев“ изведоа специјално подготвен танц, а учениците од ООУ „Лазо Ангеловски“ на војниците им подарија цртежи и предмети изработени на тема: Армија на Република Македонија.
