На 17 Февруари 2015 година во Центарот за индивидуална обука започна Примарен Курс за лидери (ПКЛ). Курсот го посетуваат 30 (триесет) слушатели од редот на професионалните војници од единиците на Армијата на Република Македонија.
Целта на ПКЛ е слушателите професионални војници да се обучат и оспособат за извршување на должностите во единиците како лидери на тимови. Преку реализацијата на планираната обука војниците ќе стекнуваат знаења за местото и улогата на лидерот на тимот, како идни помошници на изведувачите на обуката.
Задачи на слушателите на примарниот курс за лидери се да се оспособат успешно да командуваат со тим и да научат да работат со луѓето од тимот, стекнатите знаења правилно да ги применуваат и пренесуваат во процесот на обуката, да ги повторат воено-стручните знаења во ракување со оружјето и воената опрема на ниво на тим како и да се оспособат практично да ги применуваат методичките постапки во реализација на обуката.
