Согласно годишниот План календар за обука на Командата за обука и доктрини за 2015 година Центарот за одгледување и дресура на службени кучиња во рамките на доделената мисија реализира голем број на курсеви за обука како со војници кои имаат афинитети за водачи на службени кучиња, така и со службени кучиња од доменот на нивната дресура, редресура и кондицирање.
Во текот на денешниот ден е реализиран завршен испит од Курсот за војници за водачи на службени кучиња и службени кучиња од чуварска категорија, кој се реализираше во период од 09.03. до 03.04.2015 година, при што се обучени 5 војници водачи на службени кучиња и исто толку службени кучиња од единиците на АРМ.
Испитот е реализиран од страна на комисија од составот на ЦОДК која е надлежна за оценување на обученоста на војниците и службените кучиња.
Војниците со успех го положија завршниот испит и притоа се стекнаа со сертификати за водачи за службени кучиња од чуварска категорија.
Од страна на комисијата верифицирано е и дека службените кучиња од чуварска категорија се оспособени за вршење на чуварска служба.
