Во периодот од 15 до 19 јули, со извидувачките водови од 1. пешадиски баталјон, 3. пешадиски баталјон и од четата за воено разузнавање од 1. пешадиска бригада, се реализираше „Обука во летни услови“ во Кампот за обука на вода во Охрид.
За време на реализација на обуката изведувани се теми кои се неопходни за персоналот како што се: техники и стилови на пливање, совладување на водени пречки, прочистување на вода за пиење, боречки вештини, изработка на пловни објекти со прирачни средства и друго.
Посебен акцент беше даден на оспособување на единиците за изведување на суштинските борбени задачи, извидувачките дејства и задачите од доменот на операции и дејства во вода.
Во сите форми од обуката, персоналот покажа високо ниво на обученост и професионализам при што се стекна со потребните квалификации и самодоверба за изведување на борбени дејства во различни услови, односно на различни хидрографски објекти.
ЏР/СН
