Во текот на втората половина на јануари и првата половина на февруари, согласно годишните планови за обука на потчинетите единици на 1. пешадиска бригада (1.пбр), припадниците од извидувачките водови на потчинетите единици на 1.пбр, на терените за обука во зимски услови на планините во западниот и источниот дел од државата, реализираа обука во зимски услови.
Во еднонеделната обука, персоналот практично ги покажа вештините во справување и извршување на задачите во зимски услови и тоа: движење во длабок снег, совладување на снежни препреки со формациски и прирачни средства, изработени непосредно од персоналот, изработка и престој во објектите изработени од и во снег, ставови за гаѓање со личното вооружување во снежни услови и длабок снег, како и движење и управување на моторна санка.
За време на обуката, единиците беа посетени од страна на одговорните старешини за обуката од претпоставената команда и од командата и штабот на 1.пбр, при што стекнаа увид во високата обученост и психофизичката подготвеност на персоналот за извршување на задачи во зимски и планински услови.
ГЃ/СЛ
