Денес 11 март во касарната „Боро Менков“ во гарнизонот Куманово со воена свеченост се одбележа Денот на резервни сили.
Со одлука на претседателот на Република Македонија и Врховен командант на вооружените сили д-р Ѓорге Иванов, 11-ти март е одреден за Ден на резервни сили како датум со кој се одбележува превземањето на првата караула, а врз кој заедно со други важни датуми од историјата се темелат традициите на Армијата на Република Македонија.
На свеченоста присуствуваа заменик на командантот на Здружено Оперативната Команда (ЗОК), командантите на првопотчинетите единици од составот на ЗОК, началниците на секции од ЗОК, поранешни команданти на единицата, претставници од сојузот на борци и државните и општествени организации од локалната самоуправа на општина Куманово.
Во својот говор командантот на единицата истакна дека се горди што се носители на традициите на овој историски настан кога на караулата „Рамна нива“ во Крива Паланка за прв на државната граница се развиори знамето на Република Македонија, со што се заокружи територијалниот интегритет на нашата држава и го означи создавањето на АРМ.
