На ден 31.05.2016 година (вторник), во 11.00 часот во касарната „Илинден„ во Скопје се одбележа 15 годишен помен на трагично загинатиот капетан Зоран Бубевски.
Положувањето на свежо цвеќе се изврши пред спомен собата во касарната, а посветена во чест на трагично загинатиот капетан Зоран Бубевски во конфликтот во 2001 година. Во говорот пред присутните командантот на баталјонот за врски го истакна неговото животно дело, посветеност, неговата храброст и несебичност во извршување на поставените задачи во севкупната воена кариера за што посмртно е одликуван со „Медал за храброст“ од страна на Врховниот Командант на Вооружените сили на Република Македонија и Претседател на Република Македонија.
На поменот, присуствуваше семејството, припадниците на баталјонот за врски и многубројните пријатели на трагично загинатиот, Заменик на Командантот на ЗОК – бригаден генерал Павле Арсоски и командантите на останатите единици во касарната „Илинден“ – Скопје.
Секоја година во негова чест во баталјонот за врски се одбележува поменот на трагично загинатиот капетан Зоран Бубевски.
