Во касарната „Боро Менков“ во Куманово, со воена свеченост се изврши прием на должноста командант на прв пешадиски баталјон (1.пб), од составот на 1. пешадиска бригада (1.пбр), со што потполковник Мирче Тасев ја презема оваа командна должност.
На свеченоста присуствуваа заменик на командантот на Команда за операции бригаден генерал Орце Јордев, заменик на командантот на 1.пбр потполковник Васко Коколански, началници на секции од 1.пбр, команданти на единици од составот на 1.пбр и останати гости.
На свеченоста се обрати заменик на командантот на 1.пбр кој на новопоставениот командант му посака успешна работа во извршувањето на новата должност, а новопоставениот командант, потполковник Мирче Тасев се заблагодари за довербата која му е доверена да биде командант на 1.пб и истакна дека крајно совесно и одговорно ќе командува со единицата.
Свеченоста согласно правилото за протокол воен заврши со свечен чин на примање на военото знаме на единицата.
ГЃ/ЧС
