Во Командата за операции (КО) денес се реализира прием на новопримените потпоручници, распоредени на должности во KO.
Новопримените офицери беа примени од страна на началникот на штаб во КО, бригаден генерал Мирче Ѓоргоски.
По искажаното добредојде и честитки за почетокот во активната воена служба, потпоручниците беа запознаени со мисијата, задачите, структурата на КО и потчинетите единици и мирновремените локации. Од нив се очекува да ги применат знаењата кои ги имаат стекнато во текот на нивното школување и истите да ги надградат, со цел успешно извршување на поставените задачи.
На крајот од приемот, на потпоручниците им беа соопштени наредби за поставување на должноста која ќе ја извршуваат во КО.
По извршениот прием потпоручниците беа примени од страна на командантите на ППЕ.
