Припадниците на 4 пешадиски баталјон (4.пб) од составот на 1. пешадиска бригада (1.пбр), со придржување на сите мерки и препораки кои се применуваат во справување со пандемијата, ги изведуваат своите редовни задачи со несмален интензитет.
Со оглед на летниот период, високите температури и можноста од зачестени пожари, припадниците на 4.пб, во соработка со Противпожарната бригада од град Кичево, имаа можност да се запознаат со начинот и примената на противпожарната (ПП) опрема и воедно изведоа ПП обука на тема „Видови на пожари, ПП опрема и давање на прва помош при повреди настанати од пожар“.
Изведувањето на противпожарна обука е редовна активност за припадниците на Армијата, во овој временски период од годината.
