Во согласност со План календарот за обука за 2014 година на 23 јуни 2014 година во командата на 1.механизиран пешадиски баталјон во Куманово се одржа Тромесечен брифинг за обука (ТБО) во 1. механизирана пешадиска бригада (1.мпбр).
Брифингот претставува планска и редовна активност на која командантот на 1.мпбр, бригаден генерал Павле Арсоски детално се запозна со степенот на реализираните содржини и активности од доменот на обуката и со нивото на оспосoбеноста и обученоста во потчинетите единици во изминатото тромесечие.
На тромесечниот брифинг за обука покрај командантот на бригадата учествуваа: началниците на секции од командата и штабот, командантите, командирите и првите подофицери од потчинетите единици, како и началникот на Ј-7 од Здружена Оперативната Команда.
Брифирањето за обученоста и оспособеноста на своите единици за 2.тромесечие 2014 година го изнесоа командантите и командирите на потчинетите единици. Во брифинзите беа нагласени реализираните тежишни активности, проблемите со кои се соочуваат, предлози за нивно надминување и приоритетите за обуката за наредното тромесечие. Со краток осврт на изминатот тромесечие командантот се запозна со степенот и нивото на обученост на единиците како и со планираната обуката за следното.тромесечие во 2014 година.
На крај брифингот за обука заврши со заклучоци од страна на учесниците при што беа прецизирани задачите за следното тромесечие во 2014 година. Во продолжение на активноста беа посетени меморијалниот центар на АСНОМ во Пелинце и црквата „Св. Великомаченик Георгиј“ во селото Старо Нагоричани, Куманово.
