Во духот на хуманоста како и секоја година така и оваа во пресрет на Новогодишните и Божиќните празници припадниците на полкот за Специјални Операции донираа прехранбени артикли на социјално загрозени семејства и деца без родители.
Денес 28.12.2018 година во дел од општините во град Скопје припадниците на полкот за Специјални Операции донираа околу 400 полуоброци кои се составени од млеко, чоколади и сувомеснати производи.
Покрај фактот дека припадниците на полкот се професионалци во својата професија, тие се дел од народот и докажани хуманитарци кои се спремни да помогнат секогаш каде што тоа е потребно.
