Согласно годишните планови за обука на потчинетите единици на 1. пешадиска бригада (1.пбр), припадниците од извидувачките водови од пешадиските баталјони, извидувачките одделенија од инженерискиот и артилерискиот баталјон, како и извидувачкиот вод од командната чета, на терените за обука во зимски услови на планините во источниот и западниот дел од државата, реализираа обука во зимски услови.
По успешно спроведената обука на полигоните за обука во касарните, следуваше практична реализација на научените техники и знаења за опстојување, преживување и извршување на задачи во планински услови.
Во неколкудневната обука, персоналот практично реализира: движење по снег, совладување на снежни препреки со формациски и прирачни средства, изработка и престој во објекти изработени од снег, ставови за гаѓање со личното вооружување во снег, како и движење и управување на моторна санка.
За време на обуката, единиците беа посетени од страна на надлежните старешини за обука од Командата за операции и штабот на 1.пбр, при што стекнаа увид во високата обученост и психофизичка подготвеност на извидувачите за извршување на задачи во сложени зимски и планински услови.
ГЃ/ЧС/БН
