Во период од 24 до 30.07.2023 година, во кампот за обука на вода – Радожда, оклопниот извидувачки вод од 3 пешадиски баталјон (3.пб) и од 4 пешадиски баталјон (4.пб), од 1-ва пешадиска бригада (1.пбр) реализираше “Обука во летни услови“.
За време на обуката персоналот се оспособи во техниките за пливање, вештините за совладување на водени пречки и користење на пловни објекти преку реализација на темите за обуката во летни услови: техники и стилови на пливање, обука со гумен чамец, изработка на пловни објекти со прирачни средства.
Посебен акцент се даде на оспособување на персоналот за изведување на суштинските борбени задачи, извидувачки задачи и задачи од доменот на операции и дејствија во вода.
Во сите форми од обуката персоналот покажа високо ниво на обученост и професионализам при што се стекна со потребните квалификации за изведување на борбени дејства во различни услови.
