Денес, 25.02.2025 година, во касарната „Илинден“ во Скопје се реализираше месечно реферирање на командантите на првопотчинетите единици на Командата за операции (КО).
Командантите на првопотчинетите единици му реферираа на командантот на КО, бригаден генерал Бесник Емини за досегашните реализирани тежишни задачи, нереализираните активности и причините за тоа, како и предлог мерки за идните предизвици.
На реферирањето беа дадени инструкции и насоки за понатамошна работа, а се зборуваше и за тежишните задачи за следниот месец.
Пред реализирање на реферирањето, персоналот кој присуствуваше беше брифиран за сајбер оперативниот центар, а потоа имаше кратка обиколка и практично запознавање со центарот.
