Припадниците од сквадронот на транспортни хеликоптери (СТХ), водот за специјални намени (ВСН) и дел од (СВТоД) од составот на воздухопловната бригада (вбр) во период од 10 – 13.09.2018 година реализираа пребазирање и обука во летни услови на месноста Пепелиште, АП Криволак. Обуката се реализира според годишниот план за пребазирање и обука на единиците.
Основната цел на пребазирањето и обуката е оспособување на припадниците од составот на СТХ и ВСН и дел од СВТоД за мисии во летни услови од доменот на пребарување и спасување (SAR- search and rescue), борбено пребарување и спасување (CSAR combat search and rescue). Дел од темите кои беа обработени во текот на обуката беа спасување и извлекување на повреден, правилно користење на опрема потребна за извршување на мисиите, ноќно и дневно летање, спуштање на спасител и вовлекување по сигурносно јаже, работа и постапки на посадата на хеликоптерот и војниците над планински и ограничени површини, организација на живот во камп за обука и друго.
Планираните активности беа реализирани успешно и безбедно. За голем дел од персоналот ваквиот тип на обука е редовна активност која се почесто се изведува во реални временски услови со практично изведување на обуката.
ГИ/ЧС/БН
