Денес, 30-ти септември во касарната „Илинден“, се одржа свеченост по повод примопредавање на должноста командант на 3.логистички баталјон од составот на бригадата за логистичка поддршка (брЛП).
Должноста командант на 3логбн од потполковник Мухарем Мухареми ја прими мајор Фето Бајрами, кој досега извршување должност заменик командант на 3 механизиран пешадиски баталјон (3.мпб) од составот на Првата механизирана пешадиска бригада.
На примопредавањето присуствуваше заменикот на началникот на ГШ на АРМ, генерал-мајор Мухамет Рацај, претставници од здружената оперативна команда, од командата на брЛП, командантите на баталјоните од составот на брЛП и командантите на единиците стационирани во касарната „Илинден“.
Заменикот на командантот на брЛП, потполковникот Цветко Јаневски во своето обраќање му се заблагодари на досегашниот командант за постигнатите резултати и успешната соработка, а од новоназначениот командант, честитајќи му ја должноста побара максимално посветување на специфичноста и предизвиците на оваа исклучително динамична единица.
Потполковник Мухарем Мухареми истакна дека во стројот стои колектив, кој се одликува со истрајност и доследност, а своето знаење и енергија несебично ги вградува во реализирање на работните задачи.
Новоназначениот командант, мајор Фето Бајрами напомена дека ќе ги искористи стекнатите знаењата и искуство од работата во 3.мпб, но исто така очекува поддршка од сите припадници на единицата за реализација на мисијата на единицата, со што ќе ја оправда дадената доверба за раководење со единицата.
На крајот од свеченоста на церемонијален начин се изврши примопредавање на военото знаме на баталјонот.
