Денес, 02.04.2014 година (среда) во рамките на соработката помеѓу Армијата на Република Македонија и цивилните структури во зоната на одговорност, се реализираше средба помеѓу командантот на 1. механизирана пешадиска бригада (1.мпбр), бригаден генерал Павле Арсоски и градоначалникот на Општина Петровец, господинот Борче Митевски.
Посетата беше во согласност со планот за цивилно воена соработка со локалните самоуправи во Република Македонија, а на истата со градоначалникот господинот Борче Митевски беше разгледана соработката во текот на 2013 и 2014 година.
Во текот на средбата беше доделена и благодарница од страна на командантот на 1.мпбр бригаден генерал Павле Арсоски на градоначалникот на општина Петровец по повод остварената поддршка од страна на општина Петровец во уривањето на објекти во касарната во Петровец.
Задоволството од поддршката која АРМ ја добива од општината, продлабочувањето на соработката за прашања од доменот на цивилно-воената соработка и нагласување дека истата ќе продолжи и во наредниот период, беа дел од заклучоците кои произлегоа од состанокот.
